Language
English
Concorso “Dixegna el vecio Dalmata”
Concorso di disegno bandito dalla redazione de “Il Dalmata”, storica testata dell’italianità zaratina e attualmente mensile dell’Associazione Dalmati Italiani nel Mondo – Libero Comune di Zara in Esilio.
Care lettrici e cari lettori de “Il Dalmata”,
Bon Prinzipio a tuti!
Go na bona nova per voialtri.
La redazion de “Il Dalmata” la vol lanzar un concorso.
I me ga contà che sto concorso sarìa na speze de gara…Mah…Mi me par da seno na strana gara se no se vinze gnente de gnente; né una medaja, né un persuto… Nianca un bicerin de maraschin!
Per partecipar a sto concorso, se trata de provar a dixegnar un litràto nientemeno che de mi, el vostro vecio “Dalmata”, in carta e inciostro!
El litràto che piaxerà de più ala redazion, el sarà publicado nel numaro de marzo de “Il Dalmata”, col nome de l’autor o de l’autrize.
Se no savè dixegnar come quel remenela del mi intervistador, ricordeve che el concorso xe averto anca ai vostri marii, ale vostre molii, ai noni e le none, ai vizini de casa, al papuzer de fiduza… Insoma a tuti quei che conossè e che ghe piaxe dixegnar.
De scondon, mi ve voio dar na man a tuti per vinzer el concorso (no dixèghelo a nissun che go voludo aiutarve, senò la caporedatrize me taiarà a strisete!).
Dixegnème con umorismo (senza esagerar, se no mi me infulmino) e ricordeve che se deve capir che mi son un giornal, ma sora tuto, feme belo (come del resto son zà).
Inviate tuti i litrati all’indirizzo ildalmataperiodico1@gmail.com
No desmenteghève che podarè farlo fin el 31 luglio 2022, se no… pezo per voi.
Un caro saludo a voi tuti.
El vecio Dalmata
